اغرب فندق في العالم يقع بمصر و من أشهر زواره الملك تشارلز وزوجته
أغرب فندق في العالم يوجد فى مصر وبالتحديد في واحة سيوة فندق فريد من نوعه لا فيه كهرباء و لا تليفزيون و لا تليفون ولا تكييف و لا اي تكنولوجيا و يعتبر من اغلي فنادق العالم
فندق ” أدرار أملال ” ده اسم الفندق باللغة الأمازيجية و اللي ترجمتها بالعربية فندق ” الجبل الابيض ” ، الفندق اغرب فنادق العالم ان لم يكن اغربهم على الإطلاق ينقلك من حياة الصخب و الضوضاء و التكنولوجيا و يعود بك لزمن ما قبل عصر السرعه و التكنولوجيا
في الفندق لا يوجد اسمها كهرباء و لا موبايل و لا اي حاجة من عصرنا الحالي ، كل حاجة هناك من الطبيعه و من البيئة الصحراوية يعني الاضاءة كلها من خلال الشموع و الفوانيس و الاكل معتمد علي الخضراوات المزروعه في حديقة الفندق و الطهي معتمد علي الطرق التقلدية اللي كان بيطهو بيها اهل الصحراء زمان
الفندق عبارة عن فندق ملحي ( مبني بالحجر الملحي )
مكون من ٤٠ غرفة عن وسط الصحراء علي اطراف واحة سيوة و تم بناء جدرانه بالكامل من الرمال و التربه السيوية و اللي بنطلق عليها اسم ” إيريج ” و دي عبارة عن ملح مغلف بالطين و تعتبر مادة بناء عازلة للحرارة زي الطوب اللبن كده و كانت بتستخدم في البناء في سيوة من الاف السنين و ده بيخلي (أدرار_أملال ) كأنه واحة باردة وسط سخونة الصحراء الحارقة
ابواب الفندق خشبيه و سقف الغرف مصنوع من اشجار النخيل و الاثاث كله بدائي من الطبيعه و بتحيطه ٧ واحده من أكبر بحيرات سيوة كمان مع وجود اشجار الزيتون و النخيل في تناغم يحسسك انك دخلت في فجوة زمنية رجعتك لورا الاف السنين
سياح كتير بتيجي مخصوص عشان تنزل في الفندق ده عشان تعيش التجربة و اشهر اللي زارو الفندق واقام فيه هو الملك تشارلز ملك انجلترا و زوجته
علي فكرة الفندق غالي جدا و فكرته أغلي ووجوده علي أرض مصر و علي ارض سيوة الجميلة واحة الغروب اغلي و اغلي
مصر فيها كل انواع السياحه اللي ممكن تتخيلها سواء سياحه تاريخية او شاطئية او كلاسيكية او دينية لكن الغريب بقي اننا كمان اكتشفنا فيها سياحه جديدة اسمها سياحه الرجوع بالزمن
